الثلاثاء 15 مارس 2022 08:50 صباحاً - أكدت الفنانة القديرة نجوى فؤاد إنها لا تعمل في الفن منذ سبع سنوات، وأوضحت قائلة “أنا قعدة من غير شغل بقالي 7 سنين، أزاي مفيش أدوار للسن بتاعي، أنا مش بقولك أديني دور سندريلا ولا فتاة جامعة، فين أدواري؟ مفيش، طيب أنت شغلت فلان وفلانة أكتر من 30 مسلسل، فين أنا طيب؟ أنا عايزة أعيش”.

مستجدات في حياة نجوى فؤاد الشخصية

وقالت نجوى فؤاد أثناء مداخلة هاتفية مع الإعلامية ياسمين عز مقدمة برنامج “كلام الناس” من خلال قناة إم بي سي مصر، مساء أمس الأحد، قائلاً “أنا اشتغلت في المهنة 49 سنة، ودي المهنة بتاعتي اللي بفهم فيها، مش بفهم في حاجة تانية، وضيعت فلوسي كلها في الإنتاج ومكتبة نجوى فؤاد”.

نجوى فؤاد تكشف رد المخرجين عليها عند طلبها شغل

واستكملت فؤاد قائلة “بسأل على شغل يتقالي أصل الدنيا عرض وطلب، لأ العرض والطلب متعلق بالبطل والبطلة والسيناريست والمخرج، ما دام دول أقوياء يبقوا هيشيلوا العمل لأنهم أعمدته، أما الباقي أدوار تانية أو تلاتة وثانوية ملهاش علاقة بالعرض والطلب إطلاقاً”.

زيارة منة جلال لنجوى فؤاد

وحرصت الفنانة منة جلال على التعبير عن حزنها الشديد بسبب عدم اهتمام نجوم الفن بالسؤال على الفنانة نجوى فؤاد، ونشرت فيديو يجمع بينهم على انستجرام، وسألت جلال الفنانة نجوى فؤاد قائلة “مين من الوسط بيسأل عنك؟، فرد قائلة “منة جلال أولا، سعيدة جلال، ونبيلة عبيد، لن أنسى لها مواقفها الأيام دي أبدا، ربنا يديها الصحة والعمر، بس لما بيكون عندي حاجة أنا اللي بطلب النقيب، لما سمير صبري تعب انا اللي طلبت النقيب وقلتله أستاذ أشرف (سمير صبري) تعب ونقلوه المستشفى، لكن محدش من الوسط بيسأل عليا خالص”.