باسل النجار = الرياض في الثلاثاء 27 سبتمبر 2022 10:29 مساءً - حلت المطربة روتانا سليم، ضيفة على برنامج ” الستات”، مع الإعلامية مفيدة شيحة وسهير جودة، المذاع على فضائية النهار، وتحدثت روتانا عن أغنيتها الجديدة “الراجل نعمة”، موضحة فكرة الأغنية والهدف منها.

قالت روتانا : ” الكلام مش على كل الرجالة، الكلام عن الرجالة اللي بجد، اللي بيوعد بينفذ، واللي كلمته بتتنفذ، واللي فعلا تحسي إنه هو نعمة في حياتك”.

وأضافت: “ممكن الراجل ده يكون أبوكي أو أخوكي أو صديق كويس مش شرط يكون حبيب، وطبعًا في رجالة كتير نعمة”.

وتابعت: “الراجل بيكون نعمة لما يكون محتوي الست اللي معاه جدًا، لما يكون عارف يحتويها، وعارف يحبها بالشكل اللي هي بتحبه”.

وعن تواجدها في الوسط الفني قالت: “بقالي 10 سنين تقريبًا في الوسط الفني، وبغني من وأنا في الجامعة، أول ظهور ليا كان أوبريت وطني مع مجموعة من الفنانين الكبار زي محمد الحلو، ومدحت صالح، وهاني شاكر”.

وأضافت : “بعدها عملت أكثر من أوبريت، وبعدها شاركت كمذيعة في برنامج تاراتاتا مع نيشان في لبنان، وبعدها نزلت عملت حفلات في مصر مع وائل جسار وهاني شاكر وكتير من النجوم، وعملت أغنية (الراجل نعمة) أول سينجل ليا”.