باسل النجار = الرياض في الاثنين 3 أكتوبر 2022 06:51 مساءً - قال الفنان محمد الصاوى انه دخل الفن بالصدفة لانه خريج كلية تجارة و سمعت ان هناك مسرحية من اخراج استاذ شاكر خضير “الله يرحمه” و كنت اراهم في التجهيزات ، و قالى الاستاذ شاكر تعالى شارك معانا ، و فعلا اشتركت و كانت المفاجاة رد فعل الجمهور على دورى .
و اضاف الصاوى خلال لقاءه مع الإعلامى دكتور عمرو الليثى ببرنامجه واحد من الناس على شاشة الحياة ، و ابتدى الموضوع يدخل دماغى ، و اخدت احسن ممثل فى الجامعات ، امام الاستاذ جلال الشرقاوى .
وتابع الصاوي ان الفنان احمد بدير من القريبين الي قلبى و فى حب و كاريزما بيننا ، و اشتغلنا مع بعض اكتر من ١٠ افلام و ٢٠ مسلسل و ٨ مسرحيات ، و السر فى العلاقة بينا انه بعت لى المساعد بتاعه يطلب منى الباسبور و انا مش عارف فيه ايه ، و فوجئت به بيقولى بعدها بيومين تعالى قابلنى فى المطار و فوجئت به بيدينى شنطه فى المطار فيها لبس الاحرام ، و طلعنى عمره و انا لم اكن اعلم ، ثم بعد وفاة ابنى فؤجت بمن يرسل تذاكر عمرة انا زوجتى و حجز لى فى الفندق و بسأل و انا فى السعودية قالوا لى ان احمد بدير هو اللى حجز ليك .
و من المواقف التى لا انساها كان الاستاذ الراحل الكبير استاذ ممدوح الليثى رئيس قطاع الانتاج ، اثناء تجهيز الجنازة لوفاة ابنى وجدته وقف بجواري وحضر الجنازة ومراسم الدفن وكان متأثر جدا وظل منتظر على الرصيف مستنى الجنازة لما بلغوه ان ابنى توفى ، وكان انسان بمعنى الكلمة .
و عقب الليثى انا والده الراحل ممدوح الليثى كان متاثر جداً بوفاة ابنك لانه مر بنفس الظروف بوفاة ابنه .
محمد الصاوي يكشف عن موقف طريف مع الزعيم .. تعرف عليه
قال الفنان محمد الصاوي ان المخرج الكبير الاستاذ يحيى العلمى قابلنى بالصدفة و قالى انا عاوز اشتغل معاك فبصيت له باستغراب و قلت له انا أمنية حياتى انى اشتغل معاك ، و اخدنى فى مسلسل “رافت الهجان “فى شخصية “يوشع “.
و اضاف الصاوى خلال لقاءه مع الإعلامى دكتور عمرو الليثى ببرنامجه واحد من الناس على شاشة الحياة ، و ايضا اشتغلت مع الاستاذ عادل امام مجموعة من الافلام منها ” زهايمر و اللعب مع الكبار ” ، و كان اخوه عصام امام صديقى فى الجامعة و كنا بنذاكر انا و عصام و بندخن و دخل علينا و قال لى انت اللى علمت اخويا التدخين ، وبصلى جامد كده ، فانا اتخضيت فلقيته اعطانا علبة سجاير و قالى انت خفت و لا ايه و كنت وقتها لم ادخل مجال التمثيل .
و تابع الصاوى انه عمل مع الاستاذ فؤاد المهندس فى فوازير جدو عبده ، و كنت بعمل دور “الانسان الالى” و مقفول عليا فى قفص ، و ظهرت شخصية عوكل ، و الاستاذ عبد المنعم مدبولى قال لهم حرام عليكم لازم الصاوى يعمل شخصية عوكل ، و كان كل ما يشوفنى يضحك ، والاستاذ فؤاد المهندس حاجة عظيمة و العالم العربى احب اللكنة المصرية بسبب الاستاذة الكبار في الكوميديا .
محمد الصاوي : انا عاشق للاطفال و قدمت ٢٥ مسرحية لاطفال
قال الفنان محمد الصاوى ان لديه احفاد و سمى حفيده ابن بنته ابراهيم على اسم ابنه ، و هناك ايضا ابني مصطفى” مصور ” خريج معهد سينما ، و احفادى بتطلق عليه صوصو .
و اضاف الصاوى خلال لقاءه مع الإعلامى دكتور عمرو الليثى ببرنامجه واحد من الناس على شاشة الحياة ، انا عاشق للاطفال و قدمت ٢٥ مسرحية لاطفال ، و كنت مدير مسرح الطفل الى ان خرجت على المعاش ، و الطفل كان من اهم اهتماماتى .
و تابع الصاوى انه من المواقف الطريفة انه استوقفه احد ضباط الشرطة الشباب و طلب رخصته ، ثم اظهر صورة من على موبايله و انا فيها مع طفل فى عرض مسرحية للاطفال ، فقال انا الطفل ده و موقفك علشان اتصور معاك تانى .
محمد الصاوي : علاء ولي الدين موهبة لن تتكرر وكنا نتعاون لتأسيس فرقة مسرحية
قال الفنان محمد الصاوى انتي اعشق الراحل الكبير علاء ولي الدين وهو موهبة كوميدية بالفطرة ، وكنا نستعد لتأسيس فرقة مسرحية ، و كنا هنعمل حاجة زى “لورين و هارتى” و لم يكتمل المشروع ، و علاء حضر تخرجى و كان بيكلمنى دايما ، و كان عنده كاريزما ربنانيه فى اى عمل يدخله بيضحك الناس .
و اضاف الصاوى خلال لقاءه مع الإعلامى دكتور عمرو الليثى ببرنامجه واحد من الناس على شاشة الحياة ، و كان الله يرحمه عندما يظهر فى اى برنامج يتكلم عنى و يقول من الناس اللى ساعدتنى ، و قبل وفاته بنصف ساعة اتصل بى و قالى انا دبحت اهو و تمام ، و بعدها اخوه اتصل بى و قال لى علاء البقاء لله .
محمد الصاوي : لم أشجع أولادي علي التمثيل وطلعت زكريا هو من اطلق عليا ” صلاح عضمة ”
قال الفنان محمد الصاوى ان فيلم طباخ الرئيس من الافلام التى يعتز بيها ، و ان طلعت زكريا الله يرحمه هو الذي اطلق عليا ” صلاح عضمة ” و جابلى الفانلة الزرقاء التي ارتديتها فى الفيلم .
و اضاف الصاوى خلال لقاءه مع الإعلامى دكتور عمرو الليثى ببرنامجه واحد من الناس على شاشة الحياة ، و اشتغلت مع الفنان الكبير احمد زكى و كنا بنصور فى منطقة اسمها راس شوقير فى فيلم ” الرجل الثالث ” ، و كان دايما بيهزر معانا قبل التصوير و كنا بنلعب كوره مع بعض .
و تابع انه بيحب الفنانة ليلى علوى و عملت معاها مسرحيتين واول بطولة اي كانت معاها ، و ايضا اشتغلت مع الفنانة الكبيرة نادية الجندى ، و بحب الفنان الكبير صلاح عبد الله لانى مثلت معاه و احنا فى كلية تجارة ، و ايضا هانى رمزى .
و اضاف الصاوى ان ما يهمنى قيمة واهمية الدراما فى الادوار التي اقدمها و ليس مساحة الدور ، و احنا جيل اتظلم لاننا تعبنا فى المسرح كتير و لم ناخد حقنا ، لم ناخد بطولات صحيح لكننا اخدنا حب الناس .
و تابع الصاوى انه بيحضر لمسلسل مع الفنان احمد السقا ، لكنه سيتم تأجيله قليلاً لاستكمال الحلقات ، و ابنى مصور و بنتى مونتيره ، انا لم احببهم فى التمثيل ، لكن حببتهم فى المهنه ، و ابراهيم ابنى الله يرحمه كان مهندس ، و يوم وفاته كان واخد واحد زميل له يشغله معاه عند المهندس اللى اشتغل عنده و توفى وانا شوفت مكانه فى الجنه ، ربنا يرحمه .
