الارشيف / اخبار مصر

وقف صرف الخبز من بطاقة التموين يوم الجمعة الجاية| حقيقة أم شائعة؟

الأربعاء 23 فبراير 2022 06:40 مساءً - الحقيقة فين؟، دا واجب كل المواقع الإخبارية إنها تجاوب على هذا السؤال او على الأقل تسعى لتوجيه المواطنين للإجابة، عشان كدا احنا بنعمل كدا، بنشوف الأخبار المفبركة والأخبار الحقيقية وننشر للناس الاتنين عشان نعرفهم الحقيقة من الكذب.

زي بالظبط اللي حصل بخصوص موضوع تعطيل منظومة الخبز يوم الجمعة، وإن الناس مش هتعرف تصرف العيش

من بطاقة التموين، ودا بسبب أن الوزارة هتقوم بعمل صيانة في المنظومة كلها.

وانتشرت الأنباء دي على مواقع التواصل الاجتماعي وشاركها عدد كبير من المواطنين، ولكن هل هذه الأنباء صحيحة؟.

الإجابة لا، ودا تبعاً لما أعلنته وزارة التموين واللي قالت إنه بالفعل هيتم إجراء صيانة للخوادم الموجودة

داخل مركز معلومات ‏مصر يوم الجمعة الموافق 25 فبراير.

ولكن اللي لم يركز فيه المواطنين اللي نشروا هذه الشائعات، إن هذه الصيانة هتم مساءًا من الساعة 9 بليل لحد الساعة 1 صباحًا.

وبالتالي عمليات ‏صرف الخبز والسلع التموينية مش هتتأثر نهائي، ودا لأن عمليات الصرف تتم صباحًا، والصيانة هتكون مساءًا بعد انتهاء عمليات الصرف.

يعني كدا هتقدروا تصرفوا الخبز المدعم باستخدام بطاقة التموين يوم الجمعة بشكل طبيعي ومن غير أي تعطيل.

وأكدت الوزارة أن عملية الصيانة مش هتستغرق أكتر من  ساعات كمرحلة أولى، اما المرحلة التانية هتكون يوم السبت

‏الموافق 26 فبراير 2022، وذلك بدءا من التاسعة مساء إلى الساعة ‏الثانية صباحا.

 

تيليجرام المستقبل

قد تقرأ أيضا